kelas 5 (B. Jawa/bebasan)

 Assalamu'alaikum wr wb

- Alhamdulillah, muga-muga kowe kabeh tansah diparingi kesehatan lan tansah digampangake nggonmu nindakake ibadah ing sasi Ramadhan iki, semono uga wong atuwamu muga tansah pinaringan rahmat lan barakah dening Allah SWT, a m i n.

- Anak-anakku kabeh ing kalodhangan iki ayo ngambali sinau basa jawa maneh. Ayo nyinau babagan bebasan utawa paribasan utawa saloka (peribahasa). Amarga ing babagan iki akeh banget pitutur luhur lan ular-ular tumrape wong uripbebrayan ing alam donya. 

- 1. Ana bebasan "mikul dhuwur mendhem jero", iki bebasan kangggo anak kang apik tumindake, tansah nurut, manut lan mituhiu marang wong tuwa. Bebasan mau ngemu teges yen anak kang becik tumindake mau bisa junjung derajate wong tuwa (memuliakan orang tua).

 - 2. Dadi uwong aja sok tumindak "adigang, adigung, adiguna",tegese wong kang tansah ngendelake kekuwatan, kesugihan lan kepinterane, cekake wong mau sombong. apa maneh nek sing digawe sombong mau mung kekuatan lan kesugihane wong tuwa, iku banget ora apik.

- 3. "Becik ketitik, ala ketara", tegese wong sing tansah tumindak becik (apik) bakal tansah dititeni kabecikane tumrape wong akeh semono uga yen ana wong kang senengane tumindak ala (jelek) mangka wong akeh bakal niteni alane (kejelekan) wong mau.

- 4. Paribasan "gupak pulut ora melu mangan nangkane", iki nduweni teges, ana uwong sing melu ngrekasa (sengsara), nanging ora melu ngrasakake kepenake. Utawa suwalike bebasab "arep jamure emoh watange", Iki wong kang njaluk kepeneke dhewe nanging ora gelem rekasane.

- 5. Bebasan, "anak polah, bapa kepradhah", iki tegese yen ana anak sing gawe kapitunan utawa tumindak ora becik, mangka wong tuwane arep melu dadi korban tumindake anak sing ora apik mau. Paribasan iki walikane ing angka 1 mau (anak yang membuat sengsara orang tua).

- Dak kira kanggo dina iki cukup semene dhisik, liya dina bisa disambung maneh. Sugeng ngayahi jejibahan tumrape murid/siswa yaiku taberi anggonmu sinahu, muga kowe tansah digampanake anggonmu sinau, mula aja lali shalat tansah ditindakake krana istiqamah lan ndedonga lan nyenyuwun ing ngarsane Allah SWT kareben tansah pinaringn rahmat lan barokah. A m i n.

-Tugasmu : ! Coba, salah siji paribasan ing nduwur mau tulisen ngangge aksara jawa, salah ora apa-apa mangko bisa dibenerake, sing baku kowe gelem usaha ! Nuwun.

wassalamu'alaikum wr wb

Komentar

Posting Komentar

Postingan populer dari blog ini

Kelas 2 (B. Jawa/angka takeran)

Gambar
  Assalamu'alaikum wr wb. - Anak-anak ku, ayo dibacutake anggone sinau basa jawa babagan angka kanggo takeran (ukuran); 1 = siji = sak/se 2 = loro = rong 3 = telu = telung 4 = papat = patang 5 = lima = limang. - Tuladha : 1. Ibu mundhut gula se/sak kilo. (Ibu beli gula satu kilo) 2. Wis rong dina Ardi ora mlebu sekolah. (sudah dua hari Ardi tidak masuk sekolah) 3. Dawane tali iki telung depa. (Panjang tali ini tiga hasta) 4. Aku maem sate patang sunduk.(Saya makan sate empat tusuk) 5. Budhe mundhut tape ketan ireng limang wungkus. (Bude membeli tape keten hitam lima bungkus). - sepuluh, rong puluh, telung puluh, patang puluh iku uga angka takeran/ukuran. - ning yen 50 ora kena diwaca limang puluh, nanging seket, semono uga 60, ora kena diwaca nempuluh, nanging suwidak. - Sugeng ajar basa jawa, aja ;a;i shalat lan ndonga kareben kowe lan keluarga tansah pinarinan rahmate Gusti Allah SWT. A m i n. Wassalamu'alaikum wr wb _________ Bambang Efendi HW
Baca selengkapnya

Kelas 1 (b. jawa/angka)

Gambar
Assalamu'alaikum wr wb. - Anak-anak ku, ayo saiki diambali maneh sinau angka ing basa jawa ! - Coba saiki ajara itungan siji nganti rongpuluh (1 - 20). Yen uwis tulisen ning bukumu ! - Saiki coba itungan mau nganggo basa jawa : setunggal, kalih, tiga, sekawan, gangsal, enem, pitu, wolu, sanga, sedasa, sewelas kalih welas, tiga welas, sekawan welas, gangsal welas, nembelas, pitulas, wolulas, sangalas, kalih dasa. - Saiki coba digatek ake tuladha (conto) ngisor iki : 1. Aku saiki wis ana ning kelas siji. (sekarang saya sudah kelas satu) 2. Sak menika kula sampun kelas setunggal (iki yen dibasak ke). - Ukara iki coba owahana dadi ngoko (diubah jadi kalimat biasa) 1. Kangmas kula sak menika sampun kelas kalih SMP. 2. Kula gadhah ayam cacahipun sekawan. 3. Kucing kula wonten tiga. - Wis kuwi bae dhisik, sugeng ajar basa jawa, aja lali shalat lan ndedonga marang Allah SWT. Muga sliramu saha keluarga tansah pinaringan karaharjan lan rahmate Gusti Allah. A m i n. Wassalamu'alaikum wr w
Baca selengkapnya

Kelas 6 (b. Jawa/macapat ll)

Gambar
Assalamu'alaikum wr wb - Alhamdulillah, ing semester ganep iki ayo bebarengan sinau sing padatan ana gandheng rentenge karo ujian akhir. - Tembang macapat, iki kerep ana ning soal ujian basa jawa, umpamane : Tembang macapat cacahe ana 11 (maskumambang, mijil, kinanthi, sinom, gambuh, dandang gula, asmarandana, durma, pangkur, megatruh, pucong). - Guru gatra (cacahe larik) : 4, 5, 6, 7, 8, 9, 10. - Guru lagu (tibane swara/dong-dinge swara) : a, i, u, e, o. - Guru wilangan (jumlah suku kata/cacahe wanda saben sak ngatra). - Ba-pak pu-cung, tan-pa un-tu dar-be si- u ng : 12 wanda (guru wilangane 12, guru laune u / 12 u. - Cangkriman . Uga ana ing ujian, umpamane sing kerep muncul yakuwi : "pitik walik saba kebon", batangane apa ? "sega sak kepel dirubung semut/tinggi" kuwi apa ?, "urang sapi kul matane ana pira ?" Kuwi sing paling kerep, senajan isih akeh sing liya-liyane (delengen ing pepak !) - Tembang pucung uga kena dienggo cangkriman, tuladha :    Ba
Baca selengkapnya